Vørulýsing

HINT er eitt spildurnýtt føroyskt samveruspæl, sum er ment og framleitt av Hugnaløtum. Hetta er gjørt í tøttum samstarvið við Bezzerwizzer Studio í Danmark, sum upprunaliga eiga konseptið. HINT hevur vunnið heiðurin í Danmark fyri “Årets voksenspil” í 2014 og “Årets spil for voksne” í 2015, 2016 og 2017, so hugskotið handan spælið er sera gott. Alt innihald í spælinum er ment av nýggjum, tó við nakað av íblástri frá donsku útgávuni, so HINT á føroyskum hevur ikki sama innihald sum danska útgávan.

Í HINT ræður tað um at geva tínum viðspælarum ábending um, hvat ið TÚ veitst. Ábendingin kann gerast við at tosa, tekna, herma ella murra. Tess betur tit duga at gera ábendingar, tess skjótari flyta tit fram á spæliplátuni. Men verið varin við bara at gita vilt, tí tað er altíð okkurt, sum tit IKKI mugu gita! Liðini skiftast at eiga tørn, og tað liðið, sum kemur fyrst á mál, hevur vunnið.

HINT er gjørt til 4 leikarar ella fleiri og vit viðmæla, at ein aldur á 15 ár og eldri, er mest hóskandi. Tó kunnu yngri eisini spæla við, uttan stórvegis trupulleikar. HINT inniheldur 450 føroysk kort, so talan er um nógvar tímar av stuttleika.