Vørulýsing

Nú kanst tú ogna tær eitt spildurnýtt Bezzerwizzer á føroyskum við nýggjum spurningum!

Tú kanst nú bíleggja Bezzerwizzer á føroyskum í spildurnýggjari útgávu, sum vit kalla fyri “2024 útgáva”. Nýggja spælið hevur 2.940 spildurnýggjar spurningar, har tað er væl blanda ímillum føroyskar og útlendskar spurningar – júst sum í fyrra spælinum frá 2022. Í 2024 útgávuni eru smærri broytingar í evnunum, tí nú kanst tú m.a. fáa spurningar um “Kend fólk” og “Sjónvarpsrøðir”. Hetta er eisini ein grønari útgáva, tí her er einki plast í. Eskjan, spæliplátan, eskjan við spurningum, spurnabløðini og ymiskt annað er úr endurnýtslupappíri, posin við spælikubbum er úr bummull, kubbarnir eru úr træ og teir eru málaðir við vatnbaseraðari máling.

Bezzerwizzer á føroyskum, 2024 útgáva, er eitt føroyskt spurnaspæl fyri øll yvir 14 ár, tó kunnu børn undir 14 ár eisini luttaka í bólkum ella saman við onkrum eldri. Spælið inniheldur 2.940 spurningar um føroysk og útlendsk viðurskifti.

Fyrsta útgávan av Bezzerwizzer á føroyskum kom út í oktobur mánaði 2022 og hendan útgávan kom út í novembur mánaði 2024.